ريحانـــة كمال: حلويات متنوعة

اعلان 300x250

اعلان 300x250

حلويات متنوعة

عدد التعليقات : 0
loading...
"غريبة السميدة والكوك"

"المقادير"

نصف كيلو كوك - 200غ سميدة رقيقة - 350 غ سكر كلاصي- قشور حامضة محكوكة- 5 بيضات - نصف كأس صغير زيت -نصف كأس صغير زبدة مذوبة- خمارة

"الطريقة"

في إناء نضع الكوك مع السميدة ثم نضيف السكر كلاصي وقشور الحامض والبيض ونخلط ثم نضيف الزبدة والزيت ونتركها ترتاح مدة ساعة ثم نضيف الخمارة ونعمل منها كويرات نفندها في السكر كلاصي ثم نعملها في لاطة مدهونة ثم ندخلها الفرن طيب والا بغينا نديرو لها لوزة فالوسط.

"فقاص مالح "


"المقادير"
 رابعة طحين+ملح+ماء للعجين+100غ زبدة+2 فروماجات مثلثين+بيضة كاملة +100
غ لوز مهرمش بقشورو.


"الطريقة"
كنخدمو الطحين+ملح+100غ زبدة لينة+2 فروماجات+أصفر بيضة+ماء حتى كنحصلو على عجينة مرخوفة كنشكلوهم حريبلات رقاق وندهنوهم ببياض البيض ونمرمدوهم في لوز مهرمش وندخلوهم الثلاجة حتى يقصاحو عاد نخرجوهم ونقطعوهم وندخلوهم الفرن .

كعك اسفي


"المقادير"

نصف كيلو دقيق + كاس عصير البرتقال + كاس زيت + ملح + كاس
سنيدة + نافع + زنجلان + باكية لخميرة.

"الطريقة"



كنجمعو العجينة ونخلوها قاصحة وندلكوها ونطحنوها في ماكينة الكفتة ونعملوها دميلجات ونقشوهم وندخلوهم الفرن.
"سابلي بالقهوة"


"المقادير"
 نصف رابعة زبدة +125 غ سكر سنيدة+2  بيضات+2 معالق عسل+ملح+300غ طحين+2 معالق قهوة سريعة دوبان مدوبة فملعقة ماء.

"التزيين"
عسل+ لوز مهرمش+شكلاط أسود مدوب

"الطريقة"

كنخدمو الزبدة مع السكر مزيان كنزيدو البيض والعسل والقهوة والدقيق حتى نحصلو على عجينة لينة كنسرحوها ونقطعوها بأي مرشم حبينا أنا قطعت بمرشم هلال والباقي بمرشم مربع وملي نخرجوها كنغمسو راسها في العسل ونديرو له اللوز مهرمش ونأخد كمية أخرى من البسكوي ونلاقيوها بالشكلاط.


"حلوة الشميشة او نوار الشمس"

"المقادير"

رابعة زبدة
2 كيسان سكر كلاصي
كاس زيت
2 بيضات
قشرة حامضة محكوكة
الدقيق حسب الخليط
خمارة
"الطريقة"

كنخلط البيض مع السكر كلاصي
كنضيف الزيت كنخلط مزيان
كندوب الزبدة و كنضيفها و نخلط مزيان ثم نضيف قشرة الحامض
و الدقيق شيئا فشيئا حتى تجمع تكون مرخوفة شوية
تسرح بالدلاك تقطع بالمرشم و تدخل الفران .



"غريبة اللوز"

"المقادير"
نصف كيلو لوز+قبصة المسكة الحرة+ملعقة صغيرة خميرة الحلوة+ملعقة صغيرة زبدة+البيض 4+250 غ سكر كلاصي+2 معالق كبار قشور الحامض

 "التزيين"

بياض البيض+السكر الصقيل.
 "الطريقة"

نصلق اللوز ونقشرو ونطحنو ونعاود نطحنو ونعملو في اناء نزيد المسكة+ الزبدة+خميرة+3 أصفر البيض+بيضة كاملة+السكر الصقيل وقشرة الحامض ونشكلها كويرات صغار نعملهم في بياض البيض اللي بقى لينا والسكر الصقيل ونعملهم في لاطة وندخلهم الفرن.

فقاص

"المقادير"


 بيض 5 +زلافة سكر معامراش+زلافة زيت+زلافة لوز مقطع+نصف كاس ماء زهر+ خميرات حمرين 2+1لباني+3معالق زنجلان حبوب+1ملعقة نافع+الطحين حسب 
الخليط+ملح.
"
الطريقة"

كنديرو المقادير كاملة والطحين هو الاخير ونخلوه شوي مرخوف ونديروه ونقسموه كويرات متساوية ونديروه قضبان ونغطوه ونخلوه ارتاح واحد ساعة عاد ندهنوه
بالبيض وشويت القهوة وندخلوه الفرن يطيب نصف طيبة ونخرجوه ونغطوه بسربيتة وفوقها بلاستيكة وهحطو فوقها سربيتة ونخلوه يبات حتى لصباح عاد نقطعوه وندخلوه
يكمل الطياب.


كعب غزال

"مقادير العجين"

زلافة طحين+2 معالق زبدة لينة+ملح+ماءزهر باش نجمعوها

"مقادير الحشوة"

نصف كيلو لوزمصلوق +250غ سكر سنيدة+4 معالق ماء زهر+2 معالق زبدة+ملعقة
كونفتير
.
"الطريقة"


كنطلقو العجينة في الوراقة وكنكونو طحنا لوز مع سنيدة وخلطناه مع المقادير الاخرى ونديروه حريبلات ونشكلوهم على شكل كعب وندهنوهم بالزبدة ونخلوه يبات حتى لصباح ونتقبوه بالابرة وندخلوه الفرن واحد 5 دقايق ونخرجوه وندهنوه ببياض البيض وندخلوه يكمل الطياب.

"غريبة جنجلان"
 نصف كيلو جنجلان محمر ومهرمش+ملعقة صغيرة خميرة الحلوة+100غ سكر كلاصي+ملعقة كبيرة طحين+2 بيضات+ملعقة كونفتير كبيرة تكون مطلوقة+4 معالق زبدة مدوبة+
 "التزيين"
سكر كلاصي+ ماء الزهر

"الطريقة"

كنجمعو الخليط وكنديروها كويرات ونفندوها في ماء الزهر وسكر كلاصي وندخلها الفرن.

"شباكية"


"المقادير"
كأس لوز محمر بقشورو في المقلة +كأس زنجلان محمر+500غ طحين+نصف كوزة محكوكة+ملعقة قرفة صغيرة+ملعقة صغيرة خميرة الحلوة+لقليل من خميرة الخبز+نصف كأس زبدة مدوبة+نصف كأس زيت+نافع مدقوق+اصفر بيضة+كأس صغير ماء الزهر+زعفران حر مرطب فالماء+الماء اى حتاجينا له باش نجمعو العجينة.

"الطريقة "


كنجمعو المقادير كاملة وكندلكوها مزيان ولا كنطحنوها في الطحانة الكهربائية وكنصيبوها على الطريقة المعتادة و كنقليوها ونطفيوها في العسل ونديرو لها زنجلان.